|
عدت قصاده
الذكرى ف الصوره بعد اما ضاع الاصل منه زمان لسا الصور براوزها مكسوره لسا الاصول ماضى كأنه ما كان لو كان فاكرها تفتكر فكراه..؟!! طب لو نسيها ليه صورتها معااه دا الماضى وادى وهو ايه ودااه لفت عقارب ساعته كام ساعه مرة عقارب شعره للخمسين عدت سلاحف عمره شماعه نطت ارانب باقى عمره سنين كان لسا فاضل ع المعاد ساعتين محتار مابين قمصين جداد يا هل ترى هتحب دا هتحب دا هتحبنى...!!! فات المعاد كان لسا فاضل ف المخبى بعااد عدت قصادى الذكرى 100صوره عدت قصادى الصوره حلم مجااااش عدى ف طريقها بس ما شفتهوش عدت قصاده بس ماعرفهاااش......؟!!! |
كوتشينه قاسيه
وكلنا مغاليب سبت االكروت مكشوفه للماشيين يتملو فيها مزايا ويا عيوب جالك غريب من مجمل السايرين حط الرهان على كارتك المقلوب محسوب يادوور ولا دا جر الرجل مكتوب اخطى ولا أخر رجل خاااايف اكمل لما اشوف العجل واقع ما بين الحبل والسكاكين سبت الرهان ومشيت مع الماشيين..... |
تروح تيجى
تجيب وتسيب يضيع العمر جوا الشيب توصى الحلم على بكره يموت بكره ف علم الغيب وما ف الجيب تمن اخر رهان يانصيب تراهن ع الى جاى هناك فتخسر كل حاجه معاك بياض الشعر مع بكره وجيب فاضى بيترجاك كفايه وسيب خسرت الجاى والرايح ف حاجه ملكش فيها نصيب....... |
بعدنااا...
بس مش لاازم نكون ابعد من اللااازم..... |
الخبطه بسيطه هتتصلح
والدينامو مصدى ومملح وهتشرب شايك وتروح وتعدى كمان يوم بكتيرره وهتاخد روحك شغاله وهتاخد دينامو جديد غيره الخبطه بسيطه صحيح لكن الماضى هيفضل تأثيره عمرها ما هترجع ع الزيرو.... |
ازاى بتبكى علي لما ابكى
وتقولى لما تموت هموت وياك بتغفريلى ازاى زنوب ياما وازاى تحبى شيطان يا احلى ملاك وازاى بتبكى على دمع حزين وتوزعى الاحزان على الخدين دا حرام عيون اللى اتخلق من نور تبكى ف حب اللى انخلق من طين يا مأمنه بالاقدار وبالمكتوب لو شفتى يوم قلبى ارجميه بالطوب انا قلبى مش موسى سيبيه ف اليم يا اطهر واحده تشبه ستنا مريم هزى اليك بروحى لعل روحى توب ياالى انتى اكتر واحده عارفه انى مش يوسف ولا ايوب يالى انتى اكتر واحده عارفه انى كلى زنوب يا ايها الطفل الذى منطقتليش ف المهد انا الى ف عشقها راغب ومش مرغووووب فإن كان قميصى قد من دبر فلا شك انى انا لابس قميص مقلوب..... |
للتوبه شرط وباب
وطريق ف اخره طريق لو خدت بالاسباب تلقى النجاه ياغريق كل الطرق بتضيق والمتسع ف رضاك وعشان تعيش راضى بطل تبص وراك خلص التراك انما ف سكه فوق ف السما مفتوحه للى يروح متقلش اروح ازاى قبل الطوفان الجاى اللحق سفينه نوح......... |
وقعدت برضه عند نفس الركن
وسرحت برضه ف اللى سرحان فيه والليله تبدأ وانت شايك سخن تنساه ويبرد م الهوا ترميه راجع تقلب ف المواجع ليه راجع تقلب ف المواجع لييه....!! |
اجرة الخطيه مووووت
رفقأ بخطايا قلوبنا يارب نجنا من كل فكر شرير..... |
سلامى انا اترك لكم
سلامى انا اعطيكم امنحنا يارب سلامك.... |
| الساعة الآن 10:47 PM. |
Powered by vBulletin® Version 3.8.10 Beta 1
Copyright ©2000 - 2024, vBulletin Solutions, Inc. Trans by
حميع الخقوق محفوظة © لـ منتديات العاشق 2009 - 2022