نفس الملامح من سنين ما اتغيرت
نفس الايدين الشقيانين
نفس الرتوش الماليه وشك ما أتثرت
ولا حتى علم فيها موت
نفسك كما انت حبيبى المسافر من سنين
ساكن هنا جوا تابوتك من سكات
ف حاره من ناس طيبين
شفتك يا والدى ف حلم وردى
طالل على بصوت قوى
وبتنصح الواد الشقى
بلغه صعايده طيبين
وعيون ماليها سمار وليل
وملامح الموت ماغيرت منك فتيل
شفتك يا والدى
وسط ناس وسكات كتير
شفتك وبتمنى اللقا على كل خير
شفتك يا ساكن جوا قبرك من سنين
لساك كما سابق حياتك
اشتقتلك يا اغلى حد ف دنيتى
اشتقتلك ووحشتنى
رغم البعاد رغم السكات
رغم الاهات ف وحدتك اشتقتلك
اشتقتلك يا اقوى ضهر ف دنيتى
واجمد سند
اشتقتلك ف غربتك وسط السكات
وبدمع عينى ياوالدى والله رجعتلك
وبنبض اخر نبضه جوا قلبى بحنلك........

مش ناوى ترجع بقا
ولا انت مرتاح هناك
وسايبنى لوحدى غريق......