منتديات العاشق ~ عشقا بلا حدود - اعجاب البنت فيك؟؟!!!!‏

علامات اعجاب البنت وازاى تلاحظها
أنا حسيت أن الموضوع ده مهم جداً أن كل الناس تشوفه و تحفظ العلامات دي شباب لو لاحظتو علامات أعجاب تانية حصلت معاكم من أي بنت أتفضلوا قولوها بس يا ريت ما يبقاش أفتكاسات

شفايفها :

*بتضحك جامد و سنانها كلها (الي فوق و تحت) باينة و وشها باين أنه ريلاكس .

*بتعض براحة في شفايفها أو مبينه لسانها , بتلحس شفايفها أو بتلمس سنانها القدامنية .

* بتبل شفايفها و هي معاك , في ستات بتبل الحتة اللي فوق أو تحت و في منهم بيهروا اامنطقة كلها (مش لازم تبينهالك أوي أصله مش أغراء يعني ) .

* تحط ضوافرها ما بين سنانها .دى طبعا بتاع العيال الصغيرة :d

عيونها :

* تفضل مركزة في عينك بأهتمام واضح أوي .

* بترفع حواجبها بزيادة شوية لكام لحظة و معظم الوقت بتكون مبتسمة ابتسامة بسيطة معاها و مركزة في عينك .

* بتلاقي عنيها بتروح يمين و شمال بس علي بسيط , خلي واحد من صحابك يبص بعيونه الأتنين علي عين واحدة من عيونك و بعد كده يبص علي التانية علطول و هتفهم قصدي , دي لو انت عملتهالها هتعملهالك توماتيكي و دي بيخليها تعجب بيك بطريقة مش عارفاها هي .

* بتغمزلك من بعيد أو و هي معاك في اي حوار .

* و هي بتتكلم بتلاقيها عينيها بتقفل كتير

شعرها :

* بتحط أيديها ما بين شعرها ممكن بأيد واحدة أو بتلعب فيه , و ده طبعاً و هي بتكلمك .

* تلف شوية من شعرها حوالين صوابعها و هيا باصالك .

* بتطلع شعرها لورا لو هو علي جنب و ممكن برضه تفرده لو هيا لاماه عشان تجذبك .

لبسها :

*بتعدل لبسها و أنت واقف و ممكن تتطلع المرايا و تظبط مكياجها

و هي قاعدة معاك :

* تلاقيها بتغني كانها بتمتعك بصوتها و لاحظت الموضوع ده لو البنت صوتها حلو و عايزاك تكافاها و تقولها كلام حلو .

* تعد مفرودة كده و يبقي باين أن عضلات جسمها شادة علي بسيط .

* او في موسيقي تلاقيها بتتحرك كده عليها و عنيها عليك .

* لو هي قاعدة رجل علي رجل , الرجل اللي فوق بتبقي ناحيتك و ممكن تلاقيها كمان بتروح و تيجي بيها .

ايديها :

* تبين بطن أيديها ناحيتك , ممكن ده يحصل بأنها تكون بتهرش في ودانها أو بتعدل اللي معلقاه فيهم و تلاقي بطن أيديها بان أو و هي بتشرح حاجة بيهم هتشوف برضو بطن أيديها (كأنها بتقول أنا استسلمتلك ) .

* و هي قاعدة تحط كوعها في بطن أيديها التانية و الأيد التانية بتيبقي سايبة و بطن أيديها برضه باين و متوجه ناحيتك .

*بتدعك منطقة المعصم من دراعها فوق و تحت براحة .

*بتدعك دقنها أو بتدعك خدها , ده معناها أنها بتفكر فيك و بتحاول تربط بيك حاجات في حياتها .

* بتلعب بالمفاتيح و بتمسك فيهم , لو ماسكو كباية ممكن تلاقيها بتدعك فيها و هيا مش واخده بالها , و بتلاقيها بتلعب بأي حاجة قدامها .

*تلاقيها بتلمسك لوحدها , كتفك ودراعك .رجلك أو ايدك و هي بتكلمك .

*بتعمل نفسها أنها بتبص في الساعة و أنت معدي من جنبها .

صوتها :

*تعلي أو توطي صوتها عشان يطابق صوتك .

*تسرع أو تبطأ صوتها عشان يطابق صوتك .

*تضحك معاك في نفس الوقت .

*في الزحمة بتلاقيها مركزة معاك أنت بس و مدية كل أهتمامها ناحيتك لولا أن كل صحابها معاها .