|
ليتني بقية طفله كل همي لعبتي
اولا حابه اهدي هذي الخاطره
لانسان في يوم من الايام ملكني وخسرني وعارفه الخاطره مابتوصله لانه مو من اعضاء المنتدى لكن لربما وصلت له بطريقه او اخرى وبدون مقدمات اتركم مع الخاطره كانت كلها كلمه اختارني من بين مليون قال هذي الي انا ابيها هذي هي حلمي وهي عروسي وقتها كنت طفله كل همي لعبتي كل حياتي لون وردي كان كل فكري اكون احلى البنات وامي في تفتخر كنت طفله تملاها البراءه قالو لي يابنت انتي كبرتي وهذا خطيبك ماكنت افهم معنى الكلام لكن كانت الفرحه تسكن عين امي وهي لخطيبي تجهزني وابوي ماوسعته فرحته وهو يشوف اغلى بناته عروس http://www.n-nokia.com/vb/picture.ph...511960&thumb=1 ولما دخل والتقت عيني بعينه ابتسم وحسيت كل جسمي ارتبك قرب مني وعيني ماتفارقه مسك يدي وحس برعشتي همس مبروك يااحلى البنات حسيت بخجل وصارت الدنيا على وسعها سجن رفعت عيني بسرق منه نظره التقيت عيني بعينه وحسيت برهبته خفق قلبي من مكانه وكان وده لو طلع حسيت باحساس غريب احساس ملكني من اعلى راسي للقدم احساس مايوصف احساس فرحه احساس بدلع احساس باني بطير ووصل اعلى سماء وبعد كم يوم جاني من الغالي اتصال كان صوته ادفئ من نظرته صوته يملا حنان الكون كله قال (هيفاء) ولاول مره اسمي اعشقه كان منه غير كانت حروف اسمي تغني على شفاته احلى نغم قال احبك ساعتها ساد الصمت واجتمعت في عيوني دموع الفرح قلت بخجل عيدها قال احبك قلت ماسمعتك قال بضحكه حنونه احبك احبك ياغلى البشر كان ودي لو بقى يقولها طول العمر ملكني هالانسان ويمكن سحرني يمكن عشقته ويمكن ملكته صرخت بداخلي ((وانا اعشق ترابك)) مرت الايام وقرب مني الحلم وتحدد العرس وشوقي له كبر لكن خطيبي عني اختلف كان بطبعه له كبريائه وكان فيه من قسوة عيال ادم وكنت بطبعي عنيده واحساسي عنه زاد اختلفنا وافترقنا ومن هنا بدت قصتي من بعده ماقدرت اعيش كانت حياتي مثل العطشان وسط البحر http://upload.te3p.com/uploader/174902/11244749738.jpg كان داخلي رغبه اكون بحضنه لو ثواني او اسمع صوته الدافئ ويملكني بضحكته كان ودي لو تلتقي عيني بعينه ثواني وااقول شوف حالي من بعدك حتى عيوني اعياه السهر ناظرتني امي بعتب ليه كل هذا الحزن غيره جاهز وتحت امرك لو امرتي كنت باصرخ واقول يايمه انا ماابي غيره من البشر يايمه انا احبه تعرفين ايش معنى احبه يايمه(عبداالله)ملكني واسرني يايمه ابيه يرجع لو ثواني ماابيه يكون لغيري وساده يايمه ماابي غيري تحضنه ماابي يروي عطشه غير شفاتي واثمل من شفاته حد السكر يايمه ماابيه يحلم بغيري ولسانه يطري بنت غيري يايمه انا مخنوقه وبموت لو هو زاد ببعده والصدود يايمه ارحميني انا كلي اعشقه لكن التزمت الصمت لان الحب في شريعتنا حرام عيب البنت تعشق عيب البنت تحب عيب حتى تحلم سقطت دموعي بحضن امي وقلت لها لاياكل الغلا هذا تعب ولا هو ماضي وانمحى وسبقتها دمعتي وقلت بخاطري ليتني بقيت طفله كل همي لعبتي |
ماأروع كلاماتك وما أجملها
مقطووووعة راااااائعة من إنسااانة راااائعة يسلم ذوووووقك يالغالية لاتحرمينا عذووووبة حرفك الساحر |
مشكورة ويعطيك ألف عافية كلمات مميزة
تقبلي مروري موت المشاعر * فدائووو * |
| الساعة الآن 05:24 PM. |
Powered by vBulletin® Version 3.8.10 Beta 1
Copyright ©2000 - 2025, vBulletin Solutions, Inc. Trans by
حميع الخقوق محفوظة © لـ منتديات العاشق 2009 - 2022