السوق زحمه
وفصال وصداع
شارى وبياع بينهم موازين
وكفوف اوجاع
بياع الشاى
بيصب الصبر ف خمسينه
ويلف على الخلق يفرق
وغريب السوق
جاى يسترزق
ايه جابك سوقنا يابلدينا
دا الرزق يادوب قد الفرشه
والفرشه يادوب بتكفينا
خلينا نسدد ما علينا
ونربى ولادك وولادى
انا واقف ع الفرشه بنادى
تفاح بلدى
بطيخ بلدى
ف بلاد مبقتش شبه بلدى
وتعال ودوق
حمرا يا اوطه
طازه يا برقوق
كان نفسى تكون حاجه يا ولدى
واشوفك فوق......
(مولانه)
|