لكل اجلِ كتاب.....
قلب عايش من سنين
وسط حالة من عذاب
مره يشرق
مره يعطش
يجي يشرب من كاسات
يلقي مُر سنين عجاف

قلب شارد ف المحبة
لما يوصل للأحبة
تنزع الغصات ضلوعة
تخرس الاهات حروفة
تشرخ الغيابات ملامحة
والسبب كان حب مات

قلب متهمش وخايف
م الزمن م الذكريات
قلب منزوعة ضوافرة
قلب محبوس في الاهات
قلب هين
قلب لين
قلب عايش ف الحنين والأمنيات

قلب تايهه جوا منى
قلب يدبل غصب عني
قلب يتمنى اللقا
ترجع الدمعات تغني
لحن ضايع من زمان

كل مره تيجى تسال
ماله قلبك ليه وحيد
ف الحياة دايما شريد
ف المحبه مالوش ونيس
الاجابه نموذجية
قلبي ميت من سكات

قلبي قلبك بالإمارة
التشابه هو هو
سكتك ف الريح غبارة
بسمتك شارده وغبية
بسمه تايهه ومبتلية
الإجابة صحيحه لكن
كلها كات حب فات

قلب عايش جوا قلبي
يصرخ الاهات تلبي
تخشع الدقات ف ضلعي
تشرخ الدمعات ف عيني
تسكن ف الحشا غصات
والسبب كان حب مات .....
بقلمي
عماد رشدي