في سكون الليل دايما بعيش
مع احلامي وامالي الجميله
مع حب ملا كل عمري
وقولت فيه احلي كلامي
حكيت عنه من شوقي لنفسي
وقولت اكيد دا احساس تاني
غير كل معاني حياتي
وخلا البسمه طريق لشفاتي





عشت بيه احلي ليالي
وفرحت فيه ساعات نهاري
وقلت كلام كتير لقلبي
يمكن اخفف بيه اشواقي





الله عليك ياحب
لما دقيت في لحظه بابي
وجبت معاك احلي حبيب
ينور عمري ويمحي الامي
حب ودعت بيه وحدتي
وهكمل ياقلبي معاه حياتي





حبك حبيبي
اجمل هديه من زماني
حبك دا عشقي
ومستحيل احب تاني
بنادي عليك باعلي صوتي
ياريت تكون سامع ندايا
هقولك احساسي وشوقي
واحكيلك احلامي وامالي





انت لعنيه الهنا
انت النور وانت الدفا
انت نجم لياليه وقمره
وانت شمس نهاري وشعاعه
ولو في يوم بعدوني عنك
هقول ياعيوني راح الصفا
وياقلبي عيش وحيد خلاص
راح منك نبع الوفا
راح قلب حبيته بجد
وعشت معاه ليالي الهنا





بس اكيد الحب باقي
في كل لحظاتك يادنيا
دا احنا قلبين جمعنا حب
كتب لقانا من غير ميعاد
حب رفرف في سما قلوبنا
وملا ايامنا نور وضياء
حب قولنا عليه زمان
بعيد اوي عن قلوبنا
احساس غريب عمرك يادنيا
في يوم ما هتديهولنا





فجاه لقيناه جه اوام
وغير كل ايامك ياحياتنا
عايشين بيه وليه
ومنه بتسعد كل اوقاتنا

__________________