حكايتى الحزينة مع التفكير

مسكت قلمي وقلت هــا كتب
مش عارفة آكتب ايه ؟
قلت خلاص هــا شخبط
يمكن فكرة تصادفنى
أو بالحظ تحالفني


لقيت نفسي برسم
رسمت طريق طويـــل
فى وقت متأخر بالليل
ماشية فيه لوحدي
مرعوبة والخوف مالكني


سمعت خطوة جايه ورايا
جريت بسرعة من الخوف اللى جوايا
سمعت الخطوات بتقرب
واحده واحده ببص بخووف
لقيت واحد بيقولى على فين رايحة ؟
قلت وأنت مين وجيت منين



قالى انا معاكي دايماً
مش بفارقك ولا ثانية
مرعوبه وقلبي عمال يدق
رديت وصوتي بيرتعش
طيب قول بسرعة انت مين ؟
الخوف جوايا هيموتني
قالي انا دايما ساكن فى بالك




خيالك رسم وشخبط
وعمل طريق انتى فيه لوحدك
جيت معاكي وبرضه مش سايبك
حد بيمشى من غير ما يفكر ؟؟
قلتله يعنى انا هربانه منك وحيرانه

الاقيك تاني معايا ؟
ابعد عني وسيبنى لوحدي
انت تعبت قلبي وعقلي




قلت اهرب يمكن انسى
الاقيك تاني ملاحقنى
ساكن فى عقلي وتاعبني
قولي اهرب منك فين
وطريق الراحه يروحوله منين



قالى انا على طول معاكي

مهما بعدتي او حتى سافرتي
الفكر دايما جواكوا
مهما عملتوا ولا حاولتوا
انتى وغيرك وغيرك
انا الفكر بشغل البال
والبعد عنى من المحال



كنتى عايزة تهربي مني ؟
هتروحي مني فين ؟
لقيت نفسي قدامه ساكته
مش قادرة انطق بكلمة واحده
قطعت بسرعة الورقة


قلت يمكن يسكت وينساني
لقيته تاني قدامي
بس المرة دي فى منامي
قالي شوفتي انى مقدرش افارقك
حتى فى وقت نومك وراحتك
هفضل كده على طول شاغلك
صحيت وقعدت تاني
وقلت فى عقل بالي
حد يقدر يعيش من غيره ؟
حد يقدر يهرب من تفكيره ؟




اما هربت منى حروفي
فى مجرد ورقة وشخبطه
لقيت معايا طيفه
طيب اهرب منه فين ؟
ورجعت تاني لبداية الحكاية
ومش عارفه آكتب
وبس كده انتهت الحكاية
مع ورقة وقلم وشخبطه
رسمت الفكر وحالته جوايا