نصيحه؟!

ما تصبى حبه م العتاب جوا المحيط
وتكبرى دماغك بقا
مش كل كلمه تعلقيلى المشنقه
ايه يعنى خنتك ف الحنين
وخلفت وعدى ف الاتصال
وطلبت رقمك مره واحده ف جمعتين
ايه يعنى
وفرت الخناق ال ما بينا ده لسنه
قررت اعيش بدون انين
وﻻ انتى غاويه عكننه
مين ال قال ان السعاده ف الحياه
طالبه ساعات المسكنه
انا ممكن اعمل سيطره
واضرب دماغك ف الجدار
واخلى وشك ده لورا
فكك حبيبتى م الخناق والعكننه
فلفل وشطه ايه بقى
خلو حياتنا مولعه
والكلمه لو حلوه بقت
تطلع حبيبتى مدغدغه
فنصيحه منى يا طيبه
شيلى غباوتك من هنا
ولو ف يوم جالك نكد
احكيله يبعد عننا