سلفينى ضحكتك!

ما تسلفيني ضحكتك
علشان أدوق طعم السعادة
وابقي اوصفيلي
شكلها علي وشي ايه
حلوة زيك
ولا أحلي
لأ طبعا إنت أحلي
ولا أقولك
سلفيني دمعتك!
أيوة حقيقي دمعتك
علشان أدوق
طعم العذاب اللي
بيجرح بسمتك
علشان ازيح عنك هموم الكون
واشيل عنك بواقى دمعتك
متسلفينى محبتك
ومعاها حضنك الدافى الحنون
لو تسمحيلى اوهبك
عمرى بحاله
وكل ما املك حبيبتى ف دنيتى
ما تسلفينى دمعتك
وكل حاجه تجرحك
وكل حاجه تتعبك
وتنكدك
وتكدرك
وبعمرى قادر ان اشيل
كل حاجه تجرحك
سلفينى كل دول
جدير قلبى بمحبتك
وكتافى دول
قادرين يشيلو محنتك
وايديا برضه بيمسحو نار دمعتك
جدير انا بمحبتك
بس اوهبيلى يا حبيبتى قلبك انتى
واطمنى
عشان هنا ف قلب دايب ف رقتك
دايب حقيقى يا حبيبتى ف محبتك
قلبى انا يعشق رشاقه خطوتك
انا بعشقك
احترامى
عمـــــده