فعلا مفيش حاجة اسمها حب

الحب كان زمان أيام أفلام الابيض والأسود وقت ما كان فيه إخلاص وتضحية ووفاء بالوعد
حبيت انسانة وعشنا أجمل قصة حب لمدة سنتين وكانت الوعود
كلها ان مفيش اي حاجة ممكن تفرقنا الا الموت وان انا الهواء اللي
بتتنفسه وانها عندها استعداد تبيع الدنيا كلها عشان خاطري وللأسف
كانت ثقتي فيها ملهاش حدود واتقيت ربنا فيها لأقصي مدي وضحيت
بحاجات كتير علشانها وساعة الجد ووقت الأختيار أول واحد باعتني هو أنا
واكتشفت اني كنت عايش في كدبة كبيرة ووهم كبير اسمه الحب ,
ليه خذلتني ؟ ليه وعدتني ؟ رغم ان هدفي كان الزواج وليس التسلية
و سألتها كل الاسئلة اللي ممكن تخطر علي بال حد ولقيت إجابات للاسف
ميصدقهاش اي طفل صغير
"انا مش متشائم عشان تجربتي دي بس فعلا الحب اللي طول عمرنا نفسنا
نعيشه ملوش وجود إلا في خيالنا بس أو بمعني أدق أنه انتهي من الوجود
وكله في الأخر مجرد كلام في كلام
"أحبائي في منتدانا الرائع ايه رأيكم ؟