بدويه!!!

ياخلق هوووووووووووووووا
الحب نابت ف الضلوع
والعشق سرحان ف العيون
وكل ارض البور خلاص
طرحت حببتى
عناقيد محبه وانسجام
والرمش سارح ف ملكوت الاله
والجفن جواه انا
نايم مغطينى بحنان
مقفوله عيونك يا الصبيه
وانا جوا منهم
بلامس الكحله
والاعب الننى
واسرح مع الجفنين
نلعب تعا منى
تعالى واحضنى
نسينى اوجاعى
ونسكر بلا مشروب
من النظر فيهم
ياخلق هووووووووووووووا
متعاتبونيش
على ضعفى قدامها
ومتلومونيش
على كسرتى ف مجلسها
يكفينى صمتى انا
اسمع لملامحها
واشوف شفايف كرز
تحكى وتتحاكى
انا ال ليا الولد
سرجلى اجمل فرس
وقالى
تع اركبى ده الفرس
قدامى سواقه
انا العاشق انا
ومهما تتدلل
هاخد نصيبى سكات
يكفينى تتجمل
ياخلق هووووووووووووو
متزعلوش منى
على الكلام عنها
مهو لو عيونكم بس
تلمح صفاه عينها
هتلمسولى العزر
وتعشقوها كمان
ياخلق هووووووووووووو
احكولها بقا حنى
احكى يا بدويه
ورتبى كلامك
وقولى احلامك
اوتغنى بزمانك
بدويه يلا قوام
قولى ال ف جرابك
___________



ايوه ياواد راح اقول
واعيد على احلامك
مانا عارف اصلك تمام
واضح ف فنجانك
على الولد عاشق
وبكفايه تقل عليه
حنى من الشرفه
واتكلمى ويااه
ده حصانه جاهزلك
اشعاره شاعرلك
وحرفو عازفلك
حتى كمان بالعين
يابنيتى باصصلك
لو كان ده تقل ودلع
بكفايه دلعك ذاد
ياترحمى العاشق
وتلونى زهره
وتخلقى وياه
قصايد العاشقين
ياكلنا عارفينه
صعيدى متاصل
اخرتها راح يرحل
وتتندمى عليه
عاريفينه واد مجدع
على الاصول عايش
كل حروفه جمال
لو حتى مش عايش
بكفايه دلعك عاد
الشب دايب فيكى
نصيحه يابنيه
متقفليش مخك
وفضفضضى وياه
عارفاكى عشقانه
بالحب ولهانه
وفدا عيون الجدع
يابنيتى هيمانه
صعيدى متاصل
واللهى راح يرحل
لو مانتى حنيتى
وبكلمه رديتى
وبهمسه دفيتى
قلب الفتى العاشق
اطمنى واحكى
ملهوش ف اللوع
حكيه تمام مزيون
كسابق اجداداه
ونصيحه يابنيه
ف اخر الكلام
خليكى جوا الجدع
ومتحرميش قلبك
يتخلى عن حلمك
كفايكى صمتك عاد
هتطفشيه منك
احتراماتى
عمـــــــده