والله مب لايق عليك هذا الزعل..

[align=center][tabletext="width:70%;background-color:black;border:10px double darkred;"][cell="filter:;"][align=center]
ليش قلبك يابعد عمري حزين؟.. والله مب لايق عليك هذا الزعل..
ياحلاتك يوم كنتي تضحكين.. افتحي قلبك وقولي وش حصل؟..
من تجرأ من قطف هالياسمين؟.. من حرمها الزين قبل مايكتمل..
من كسر قلبه وشعوره بكلمتين.. ويدي قلبه للعتب مايحتمل..
منهو ارخص قيمة الغالي الثمين؟.. ويدري انه في عيوني له محل..
يله قومي يله لاتتكيسلين.. خلي حلمي واياك يوصل ليـ زحل..
يله قومي يله لاتشاورين.. خلي حبنا يكون للعالم مثل..
قالت اصبر.. قلت انتي تآمرين.. وطالعتني بعين يملاها الوجل..
ولا إرادياً ذرفت دمعتين.. وقالت ان الزين ابد مايكتمل!!
قلت قولي لي ترى سرك دفين.. ماينجبر حد لو مهما حصل..
بس دخيلك ماابي هالدمع يبين.. مب علشان شيء بس مااحتمل..
طالعتني قلت لها وش تطالعين؟.. مافي داعي للعواطف والخجل؟
هذا مب وقته بوجهي تسرحين.. جاوبي احساس قلبي اللي سأل..
قالت الشدة بعد فترة تلين.. والفرج يقبل اذا باقي امل..
والشقى لازم في يوم يـبـين.. والصعب يجيه وقت يكون سهل..
قلت لها قولي ولا تلمحين.. مااحب اسمع كلام به جدل..
قولي شالموضوع اذا تسمحين.. خلي الخوف اللي بقلبي يرتمل..
قالت اهلي ساوموني بدرهمين.. وقرروا انهم يزوجوني بعجل!!
جاء خطبني شخص قدي مرتين.. وجابو المأذون والعقد اكتمل..
وافقو لانهم بماله طامعين.. للتجارة..والمراكز..والفلل..
ليش لا دامهم هم اللي رابحين؟.. يمكن انهم يطلعون بكم محل..
قالت الحقني ومد لي هاليدين.. ضاع فكري وطار من راسي العقل..
مالي غيرك اشتكي له يالضنين.. عطني رايك عطني لو ذرة امل..
صرت انا وإياك ضمن التايهين.. والحزن في دربنا تو استهل..
قالت اتكلم ولو بس جملتين.. لاتتم ساكت ترى وردي ذبل..
قول لي أي شيء قول لو كلمتين.. حظي المايل متى بس يعتدل؟
صدمتي كانت معاها صدمتين!!.. صدمتي كانت في المرة دبل!!
كنت بسألها شرايك تملكين؟.. دام خذينا الدبلة والحب اكتمل..
مانطقت بشيء وانا ميت حزين.. والدمع من فوق وجناتي همل..
قمت اشاهق ماابي نوحي يـبـين.. كني خبل بأعلى صرخاته جهل!!
قمنا نطالع بعضنا عين بعين.. ماتكلمنا الى الليل حل..
قالت انطق لاتقول انزين زين.. وانا ساكت والفرح عني رحل..
كنت اظن حنا لبعض مملكين.. مادريت الحظ عاند بالفعل..
كنت انا وحدي بعالمها سجين.. وكنت اقول الحظ اخيرا اعتدل..
قلت لها اذكر كلامك الى اللحين.. يوم تقولين تراك احسن رجل..
صمت فجأة وقلت لها تتذكرين.. لما كنا نخطط مع بعض لشهرالعسل..
قلت علشاني قومي ولاتزعلين.. وأرضي بالواقع مدام انه حصل..
اسمك بيبقى وسط قلبي دفين.. والقمر لازم في يوم بيكتمل..
والله بأفرح دامك انتي بتفرحين.. يله خلينا بعرسك نحتفل..
وصفعتني كف على الخد وكفين.. وقالت انت قاعد تكلم طفل!!
قلت لها وصوتي نبراته حزين.. أوعديني هالزعل آخر زعل..
لأن قلبك ينعرف يوم تزعلين.. والله مب لايق عليك هذا الزعل..
ومها ناديتك ابد لاتجاوبين.. قصة الحب انتهت مات البطل!!
أفترقنا بعد كل هذي السنين.. وللأسف حبنا بهالمرة فشل..
انتهى مشوار احلى عاشقين.. كلن بدربه لكن ماوصل!!
كل واحد ينسى على مر السنين.. لكن الذكرى ابد موب سهل..
لين آخر يوم في عيني تسكنين.. وصورتك بتبقى مثل بدر اكتمل..
في بعض الاوقات اقعد مستكين.. بس افكر لين يذبحني الملل..
بالفعل قطفوا زهرة ياسمين.. قطفوا الزهرة قبل ماتكتمل..


[/align][/cell][/tabletext][/align]