مد يدك

مد ايدك وانتشلني من الضياع
ليه بعيد انت واقف وسايب أرضي تباع
مد ايدك وما تنتظر ثورة جياع
اللي حاميها كانوا ولووف
اتحولوا الي حفنة سباع
... ارتدوا ثوب الواعظين حتي
اقتربوا من حلم ضاع
وحلمهم مش مصر يابني
دا زي ما بيقولوا تصحيح اوضاع

*********
مد ايدك وحطني وسط الطريق
ما بقتش عارفة مين العدو ومين الصديق
هما دول اولادي يابني ؟
ولا دي الايد اللي ح تبني؟
ولا مش عاجبهم أسمي ؟
********
هم دول اللي بيملكوا حق القرار!!!
هما دول اللي كانوا شوية صغار !
ليه تركناهم يظنوا انهم صاروا كبار !
ليه دقوا في نعشي الف مسمار
مستعجلين علي موتي يابني
وانا لسه بنص المشوار
مش قادرين علي حملي يا بني
يرحلوا من غير قرار
يرحلوا من غير قرار
يرحلوا من غير قرار