غادر لو تحب

خلاص أبرتاح غادر والسعد فالك

من حضرتك لاجل تقلب لي موازيني

من أي كوكب نزلت وشايفن حالك

من حضرتك لأجل تتعبني وتشقيني

مليت جرحك وتبريرك وموالك

تخطي وترجع تعتذر لأجل ترضيني

أن كان جرح القلوب البيض يهنالك

يموت حبك ولاتنزف شراييني

يموت قلبي ضما وأموت أنا هالك

ولا أشرب الذل بيدينك وتسقيني

غرورك أعماك تحلم تبني امالك

نهايتك جات قدام تنهيني

والله لا أنت ولا عشره من امثالك

تخضع له النفس ويفكر يمشيني

في واقع الامر ماني بأصغر عيالك

رباني الوقت لا تحلم تربيني

غلاك مات أبتعد وافراقك أشوالك

لاترتجي الدمع وأحذر لا تعزيني

لا عاد تحلم ارجعلك وشلها من بالك

والله ماأخضع ولو ترقص شياطيني

خسرت نفسك ومضنونك وتمثالك

خسارتك للأسف ماعاد تعنيني