|
#1
01-14-2010, 06:08 PM
|
|||
|
|||
اتحداك والله لو هتعرف ترد
معلش يا جماحة النهاردة انا على درجة عاليه من التهييس يلا ورونى هتعرفو تجاوبو
مش عاوزة ردود شكرا وتوبيك حلو والكلام دة الرد اللى يتكتب تبقى اجوبة الاسئلة اللى هيعمل غير كدة ها ها اااااا كدة بقا ماشى الكهرباء لما بتتقطع بتروح فين؟! لو فيه شجرة وقعت على الارض فى الغابه، هل بقية الشجر هيضحكوا عليها؟ ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! لماتطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! طيب لو كان الحب اعمى ..ليه واكلين دماغنا بالحب من اول نظرة؟ لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ الأخرس بيكلم نفسه إزاى؟ ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟! ليه البنات بتفتح بقها وهيا بتحط (ماسكرا) ؟ إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! ليه الناس مابتقولش (الرياضة فايز ومهزوم) غير لمّا تتغلب؟ ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟ ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! لما تيجي تتصل بواحد.. ليه الأرقام اللي بترد غلط.. ما بتكونش مشغولة؟! لو كانت الأرض كرة – زى ما بيقولوا – طيب الماتش هيبدأ إمتى؟! إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟! ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟! طيب هل حصل فعلا فى يوم من الايام أن فيه واحد (ضرب عصفورين بحجر)؟ ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟! ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاءالله سوبرماركت ريشه؟!) ولاّ (إن شاء الله مش سوبرماركت ريشه؟!). ليهلما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟!! بيقولوا (لكل قاعدة استثناء)..طيب ايه الأستثناء بتاع القاعدة دى؟ ليه لما حد يحب يدي يدى معلومة بيبدأ الجملة بكلمة (بيقولك)، (بيقولك العربيات رخصت)! طيب ليه المذيعة بتقول أعزائي أفراد الأسرة.. وهى ما تعرفش حد فينا؟! ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟ ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي..". لو " رُكب" الإنسان كانوا ورا مش قدام، كانت الكراسى هيبقى شكلها ايه؟ ليه الواحد بيدوس على الريموت كنترول بقوة وعنف لما الحجارة بتبقى تعبانه؟ لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس؟؟ 
|
|
#2
01-16-2010, 04:10 PM
|
||||
|
||||
|
هههههههههههههههههههههههههههه الكهرباء لما بتتقطع بتروح فين؟!
بخرج مع اصحابي لو فيه شجرة وقعت على الارض فى الغابه، هل بقية الشجر هيضحكوا عليها؟ اظن كدا ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! هههههههههههههههههههههههههههههه ماعرفش لماتطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ ههههههههههههههههههههههههههههههه بردو ماعرفش ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟ اصدق واكذب لغة تغشك ههههههههههههههههههههههههههههه كفاية كدا مش عارف اجاوب موضوع جميل مشكورة يا قمر
|
 |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 05:28 AM.