|
#1
10-25-2011, 05:54 PM
|
||||
|
||||
يارب احفظ مصر
انا جاى ليك يارب اشكى
وقلبى قبل عنيا بيبكى عايز اعرف عمل ايه اخويا? لما خرج وايده فى ايد ابويا? خرج يقول عايز ابنى كنيستى وكان عايز قانون يحمى أمى وأختى وبنتى خرج رافع صليبه فأيده مكانش خايف..اصله فحضن وطنه حبيبه كان مطمن وحاسس بالأمان اصله مش من طبعه انه يأذى اى انسان عمل ايه علشان فجأة يموت وصرختة العالية تتحول لسكوت اخويا دة اللى شارك فالثورة وقال مصر بلدنا هتفضل حرة كان ايده فأيد محمد جاره اللى ساكن فنفس البيت معاه واللى كان واقف وبيحميه فالميدان ساعة الصلاه عمل ايه علشان الدبابات تدوسه؟ هو الجيش ده مش بيقبض من فلوسى وفلوسه؟ مين اداله الحق يموت ولادك يا مصر وازاى هان عليكى يا أمى تدفنى اولادك فالقبر؟ ولادك اللى خرجو علشان يحموكى وقت ماكانو اللى عايشين فخيرك..بينهبوكى وبيسرقوكى تعرفى انا نفسى اقولك ايه؟؟؟ خسارة فيكى التراب اللى كانو بيمشو عليه علشان على ارضك سال دمهم ولا قدرتى تحميهم..ولا تجيبيلهم حقهم اسمعى صوت صراخ الامهات ولا انتى خلاص قلبك اتحجر ومات مالك يامصر يا ام الدنيا؟ هتحمينا؟؟؟ولا ندور لنا على أم تانية؟ احمى اولادك اللى بيحبوكى وبيدافعو عن عرضك وشوفى مين اللى بيزرعو شرورهم فى ارضك دمى ودم اخواتى فرقبتك ومن كتر الظلم اللى شربته منك.. خلاص انا كرهتك مين يستحمل يعيش فحضن الشوك؟ وازاى تعيش تحب وتخلص وفجأة اللى بتحبهم بمنتهى القسوة يقتلوك؟ وازاى بمنتهى الوحشية تتضرب وتتهان ويقولو عليك انك خاين ومجرم وجبان؟ يا ناس اعرفو الحقيقة قبل ما تحكمو علينا وبلاش نخلى العصبية..تفرقنا و تعمينا بلدنا طول ما ايدينا فأيدين بعض هنبنيها لكن لو سلمنا عقولنا لشياطينها..الوطاويط هيعششو فيها يارب احميكى يامصر ياامى من خفافيش الظلام 
|
|
#2
10-25-2011, 06:07 PM
|
||||
|
||||
|
يارب احميكى يامصر ياامى من خفافيش الظلام
اسمح لي ابدي اعجابي بقلمك وتميزك واسلوبك الراقي وتالقك
|
|
#3
10-25-2011, 07:37 PM
|
||||
|
||||
|
روووووووووووووووووعة بجد
تسلم ايدك مفيش اجمل من كدة كلمات واعذب من كدة احساس
|
|
#4
11-10-2011, 07:00 PM
|
||||
|
||||
|
ميدو سهر اخوانى الكرام
يارب يحميكى يامصر ياامى ياغاليه على وفى كل دمى افديكى بروحى وقلبى وعينى دا انتى العظيمه وانتى القويه وانتى اللى جالك يسوع تحميه وانتى حفظتى الطفل الصغير وانتى احتويتى العيله السعيده بحببببببببببببببك يامصر
|
 |
| الكلمات الدليلية |
| احفظ, يارب |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 01:39 PM.