هو أنتى

هو انتى ازاى تصطادى عريس؟
وتجيبه لقلبه شلل رعاش
وتدخلى امه الانعاش
تربطيه زى الحمار
بيشتغل ليكى ببلاش!!

اسمعى وصفه
تجبلك واحد ذوق ممتاز
دماغه زى فاروق الباز
دلعه سوفا والاسم ايساف

لوعايزه يعنى تتجوزى وتلقطى عريس ف الجون
بلاش ابوس ايدك فيزون
اللى بيتجوز يا حلوه مش بيبص عل البنطلون

و لوجالك عريس متقوليش لاصحابك
وترسمى ورد وشجر
البنات عينيها وحشه وبتفلق الحجر

ولما يجيلك عريس متنطقيش
وتقولى هنبنى طوبه طوبه
ده يمكن تانى مره ميجيش
وتتحسب عليكى خطوبه

وبلاش والنبى شغل الستات
وخصوصا ماما المحروسه
المطبخ معروف م الاول
انه بيبقى على العروسه

وبلاش ابوكى يعيش ف الدور
يطلبلك شبكه ب مليون
الفكره مش فكره مال
الفكره اكيد ف المضمون
الفكره انه يكونلك راجل
بيراعى ربنا ويصون

الفكره انه يحس بقلبك
ف الشده يكون اقرب حد
الفكره انه يعيش علشانك
لو حتى العيشه على القد

مش فارقه لو اوضه وصاله
مش فارقه المطبخ على مين
طول ما هو صاينك يبقى طبيعى
تحلى الدنيا ف مر سنين♥

طول ما هو فاهم معنى العشره
راسم بكره بحبك نور
لو بدايتها شقه ايجار
بكره هتبقى قصور وقصور♥
ا
بكره هيعلى ويكبر بيكى
تديله الاحلام بايديكى♥
تشوفى الجنه ف حضن عينيه
فرحانه وبتضحك ليكى♥

اهى دى الوصفه اللى انا بعشقها
وانا اسف لو كان فيه ايجاز
مش شرط يبقى اسمه ايساف
الشرط يكون حاول يوصل
علشان ياخد الامتياز♥

م النهايه اختارى صح
انتى عمرك مش رخيص
الفلوس مش كل حاجه
تختاريها ف العريس♥

الحكايه مش ف شبكه ....تبقى غاليه دهبها قشره
الحكايه سنين تعدى ......يبقى فيها معنى عشره!!!