متتغريش.....!!!؟

متتغريش
وحتى لو هتبقى بجد مغروره
انا عمرى ما كانت نفسى مكسوره
وايه يعنى
بشوفك شبهى بالمللى
كأنك بورتريه ليا
هيكمل بس بايديا
ولما يتم يكملى
وبسرح فيكى وتملى
بسأل نفسى...؟
لو كنا روحين ف الاصل
ومين فينا ابتدى بالوصل
ومين فينا اللى حب بجد
ومين فينا قليل الاصل
ولما احنا اتخلقنا روحين
مين فينا اتخلق ف الاصل
ومين فينا اتخلق صوره
وومين غيرى انا
خلاكى مغروره
وايه يعنى
بقولك شعر م المعنى
ومين عن شعرى يمنعنى
وبكتب من قصيد روحى
وروحك رافضه تسمعنى
وايه يعنى
بموت فيكى
وبكتب شعرى لعنيكى
وبكتب ف الغرام جايز
يعيش الشعر لما نموت
وايه يعنى
بحبك تسرحى فيا واغير لما
اشوفك سارحه ف الملكوت
بحبك تحضنينى ابكى
عشان االحضن ملهوش صوت
متتغريش.....
وايه يعنى
لو الاحضان هتوجعنى
مسير العمر بيا يفوت
مسير الارض تحضنى
ف قبر ف ضل شجرة توت.....

متتغريش...
وايه يعنى
عشقتك وسط كومه هم
وادمنت الكلام والشعر
ودوبت وقت السكوت ف الحلم
وعشت اللحظه ف حشاكى
رسمتك فوق جبين الليل
وزرت القمر بيكى
وطرت فوق سحابة عشق
محوطانى رموش عينك
وايه يعنى
خلعتى القلب بغيابك
وبعنادك
وجبروت النسا فيكى
قويه ومش مسامحه الكون
ولحظات الحنان تتلم
متتغريش...؟
مسامحك بس علشانك
وهاينه الدنيا ف عنيا
وهبعد برضه علشانك
يهون البعد لو يحفظ كرامتنا
يا مشغوله بحاجات تافهه
رجولتى كات ف يوم ليكى
شبه فستان يغطيكى
شبه زلازل يهز الانثى جواكى
متتغريش.......