قاصد كريم

بنسى الاسامى
بس بفتكر الوشوش
بحب اسيب حته دفا
فى حضن واحد معرفوش
واضحك لشحات يغتنى
مع انى نايم على الحديده
وبفك قلبى بكام قصيده
بحط ايدى فى جييبى وامشى
كالملك ملك فى مملكه الغلابه
وارمى سلامى عالغريب
اتفضل اشرب حاجه يابا
وغاوى تعشيق الايدين
الدافينين للشقيانين
عرق الجبين برفان حنين
رجاله واقفه عالمكن
واعشق تفاصيل السكن
حبل الغسيل
وبروفه للاب العجوز اللى حضن
فستان ستان بنته اللى زفتها الليلادى
وبيت كبير فى يمينه فاضى
من يوم ما سابه عمى سيد
وراح بلاد الاجنبى
ومحل جرجس اللى نادر سلسله لبنت النبى
من يوم مراته البور ماولدت له ولد واتشد دهره واتسند
وليلاتى بمسك فاس واقلب فى البلد
واصاحب لومنجى
واعاشر خمورجى
واغرب واشرق
واوطى فى سجودى فى الازهر جماعه
برفع جبينى فى دير المحرق
واقيل شوى فى ساعه العصارى
وبعدل دماغى بشاى مالصعيدى
فتتحن ايدى فى اسوان وبرقص
فى حنه لواحد حبيبى اسمه مرقص
فمفهمش حاجه فى اكليل كنيسته
فبتضحك واقوله خلاص شد حيلك
يقول عيب عليك وعقبال ماجيلك
فتنزل دموعى فى جنازة محمد
وانا فى بورسعيد وباخد عزاه
واغمض عنيا وبفتكره واسرح
واقول الف يااااااااااااااااه
زمان ابن ال.....
اللى فرق ياصبحى واااه
وخلاك تموت جوا بحر السفر
ياعمده بلادى وزينه الشباب
ويلعن ابو سلاسفيلك ياجوع
وفى المغربيه بقيد الشموع
فى شبرا بغنى وانا فى السبوع
وانقط حماده بعشره صحيحه
وبديها كشرى فى وقت العشا
وبتوضى واجرى فى ساعه مايدن ادان العشا
ابص اللقى جنبى سعيد الحرامى
موطى يصلى فبضحك فى سرى
وبضربها ميه الف صرمه تملى
واول ما اروح بتحضنى امى العتيقه القديمه
وبتجبلى نابت تقولى ده جابته جارتنا كريمه
ما اصل النهارده الجمعه العظيمه
اشوف صوره ابويا احسن بشجن
واول ما بفتح برامجى بلاقى
مغفل بيصرخ فى بلدى فتن
فبتضحك وانام
ويتغضى جسمى بلحاف الوطن
ويتغطى جسمى بلحاف الوطن

احتراااااااااااااامى
عمــــــده

ههههههههههههههههههههههههه عمدة يسلموووو ضحكتني شوي

ههههههههههههههههههههههههههههههههههههه
عاشت الايادي

اشكر روعه التواجد
ودى
عمــــــــــده