ابيع عمري فدوه عيونك

للناس كون وعاش قلبي بكونــك ....ماهمه الا يقضي العمر ويــــاك

يبيع عمره لجل فـدوة عيونـك.... ويزعل جميع الخلق في خاطر رضاك

واقلبي الليى راح يعزف لحونك.... شـد الرحال وابعـدت بـه مطايــاك

يخيـل بـراق لمـع في مزونـــك ....مــا يرتوي اذا شرب غير من مـاك

كل ما دعيته قال دوني ودونـك.... مـاعـــود مـن دنيـا حبيبي لدنيـاك

قرر يعيش ويستظل بغصونــك ....في داخل اسوارك وفي داخل حماك

يشوف ما كل البشـر يشبهـونـك ....وماغيرنجمـك بالسما ساطـع هناك

مليون لون وماعشق غيـر لونك ....ترك فسيح الكون وساكن زوايــاك

مسكيـن قلبي ما يحس بطعــونك ....وانت بطريقه زراع دربه اشواك

مخلص بعهدك ما يخيـب ظنونك ....حالـف بربـه مـا يخونك وينسـاك

حاولت ابيـن لـه خطـاه وجنونك ....وانـك ذبحتـه في عنادك وفرقـاك

كل مانهيته عنك يرفض يخونك ....وكل ماعذلته قال مابي سوى ذاك