رجه+صياعه+طوله لسان+لعنه خير+فزعات=بنات الثانوي

رجه
صياعه
طولة لسان
لعنة خير
واحسن شئ فيهم {الفزعات}


شعارهم:ازحف للدنيا تزحفلك _عيش وفلها وربك يحلها
هدفهم:تضييع الوقت باي وسيله


لا وعندهم تعصب قبلي وغطوا على الشباب من هالناحيه لوول!!!
يعني هاذي شمريه تهاوشت مع دوسريه عشانها قالت الشمامره...........؟
وهاذي سبيعيه تهاوشت مع عتيبيه عشانها قالت ........؟
وهاذي زهرانيه تهاوشت مع غامديه عشانها قالت.........؟


وهاذي حالتهم من اول ما يجون لين يطلعون على {الهده}



وتلقا كل وحده منهم معاها جوال اخر موديل ههه قصدي توه نازل بــ2000 ريال وشاريته
و هالشباب مساكين الرهيب بالحسره لووول مزحه


وكل وحده فيهم عندها كومة شباب تعرفون وش يعني كومة شباب طالعه من قلب
تقولون هاذي عمرها 25 مو17


لا واذا جت المباريات بين الانديه هوشات مو صاحييييييه
مثلا:
بنت تهاوشت مع الثانيه وطلعت دمها عشانها قالت الهلال يغطي على النصر بالراحه .....كفو والله
ومثال ثاني بنت قالت برشلونه تغطي على مانشستر يونايتد وتدوسها تحت جزمتها بعد


لا وانحش اذا جااء طاري اللاعبين اوووف اوووف تكفيخ ومكافخ ولعنة خير
عشان ياسر القحطانيي احسن من مالك معاذ وعبد الرحمن القحطاني احسن من الجابر ونواف التمياط جذاب اكثر من الشلهوب وووووو ....إلخ


واذا جت مباراة المنتخب اللي كاتبه على مريولها يالاخضر اللي ما تعرف المستحيل علم بلادك في يمينك يا الاصيل وبخاخات وعلى الجدران واللي كاتبه يكفي ان الكون كله وراي لاني سعوديه دايم الدوم قدام وعليهم وطنيه مو صاحيه بس يموتون على شئ اسمه فزاع الشيخ حمدان يموتون عليه ههه يحقلهم ويحبون قصيدة شاميه اتصلت غلطانه ويعشقون الشاعر لفى الهفتا

ولا اذا راحوا للمدرسه قصدي للسكول على مراييلهم ما تقول مراييل للمدرسه تقول فساتين عرس فتحات وخصر و انواع التزين انواع الكشخه والاكسسوارات والشراريب هع انواع وانواع وانواع


وكل اغنية تنزل حفظوها بدقيقه بعني لو الوزاره تخلي المناهج اغاني وتجيب مساري يغنيها وربي ينجحون بالراحه ههه


والمشكله انهم يعرفون كل سياره تنزل ويعرفون موديلها قيمتها وشركتها والاقساط حقتها مدري وش عرفهم ما شاء الله


وطبعا كل وحده فيهم عندها اكثر من ايميل يعني ايميل للعايله وايميل لصديقاتها وايميل لاخوياها وايميل للمنتدياتها


لا واذا مروا شباب من عند مدرستهم انواع الزحمه يا شيخ اللي تزين الكحل حقها والليا تعدل لثمتها واللي تشيل الشيله خير شر كل هاذي عشان يقزوون صح!!!اسحب عليه


وخصوصا اذا طلعوا على البيت سوري قصدي {الهده} انواع القز انواع الغمز واذا عجبهم واحد نادوه وقطوا الرقم وراحوا والله حاله فضاوه



وتعال بالحصه اللي تطقطق بعلكها واللي تاكل حب واللي تغني واللي يسولفون واللي يحشون واللي يتفقون على هوشه واللي ناوين على معلمه واللي تشق دفترها واللي تحت الماصه واللي تقص شعرها واللي تهستر بالمعلمه والشله هذيك منحاشه وشلة حليب نياق بالاداره الله لا يوريكم

لا وكل يوم يلبسون بناطيل تحت مراييلهم عشان اذا لعبوا كوره بالصرفه مع عيال الخاله
يروحون يفصخون مراييلهم طبعا البناطيل تحت يعني عادي ويلااا لعب اللي تقلد بيكهام واللي تقلد ياسر وهذيك تقلد كاكا والثانيه كريستيانو ولو تحطونهم بالانديه يفوزونها بالراحه حشا عيال مب بنات



وهستره بالمعلمات مو صاحيه بس ترا هم ما يقولون لك شئ بس لو تقربلهم ولا تتحرش فيهم رحت فخرايطها



وما يعترفون بشئ اسمه نظافة كتب يعني طنش تعش تنتعش
صارت كتبهم وسيله تعبير عن النفس يعني اللي متضايقه على طول فتحت الكتاب وكتبتلك ذيك القصيده
واللي زهقانه تكتب بكتابها كل اغنيه حافظتها واللي ... واللي.... واللي....إلخ


هههههه


والمشكله دجه طول السنه ونهاية العام اللي جايبه نسبة 92% والثانيه95%
واذا جااء رمضان كالعاده فيه شئ اسمه صلاة تراويح هم يروحون عشان يدقونها سوالف دججججه من جد


وهاذي حالتهم مستحيل تتغير يعني صراحه العن من بنات الجامعه البنت 16 سنه 17سنه 18 سنه وداجه بس وناسه وربي على الاقل يطلعون من المدرسه بذكريات تضحك هههه


بنات الثانوي
اللهم ضيع دفتر العلامات من المعلمين والمعلمات
ووفق الطلاب و الطالبات
ودمر المدرسين والمدرسات
واخسف بهم سابع سماوات
واصرف نظرهم عنا في وقت الاختبارات
وقرب ورقة الجارة منا في وابعد نظر الاستاذة عنا
واجعل درجاتنا ستينات بدلا من صفرات
امين يالله اني دخيلة عليك


^
^


بنات الثانوي فلللللللللللللللللللللللللللللللللللله
منقووووووووووول لعيونكم

الموضوع الأصلي : <font color="#FF0000" size="2" face="tahoma">رجه+صياعه+طوله لسان+لعنه خير+فزعات=بنات الثانوي<font color="#FF0000" size="2"> -||- المصدر : منتدى -||- الكاتب : <font color="#FF0000" size="2" face="tahoma">فرحة نايف