|
#1
05-22-2015, 08:48 AM
|
||||
|
||||
خــليك فــاكر
اول مرة سمعت اسمهَا وابتسمت رغم انه كان قبلها اسم عآدى ،
كسوفها فـ اول يوم تتقابلوا فيه ^^ اول هدية جبتها ليها وكانت علبة شيكولاتة كبيرة يوم ما قعدت فـ الصالون ودخلت عليك تشوفوا بعض وبابها قللك ربنا يقدم اللى فيه الخير كلمة " مبروك " اللى قولتها وماسمعتش منها رَد عشآن كانت مكسوفة ! الشبكة اللى لبستهالها وهى ايدها " متلجة " من الفرحة ـ يوم فرحكوا دموعها وابتسامتها وقت ما قعدت جنبك فـ الكوشة ، الشربات اللى كنت هـ توقعه والفستان يبوظ بس ربنا ستر :@ افتكر ~ اول خناقة حصلت بينكوا بسبب بت قريبتك مسهوكة ومفعوصة :@ وازاى صالحتها بـ شوكولاة من اللى بتحبها ~ او لما كان عندها برد وفضلت صاحى طول الليل عشآن تاخد الدوا فى ميعاده وتتطمن عليها افتكر ~ اول صلاة فـ بيتكوا وانتَ امام وهى بتصلى وراك وسجادتها اتملت دموع ، اول خروجة سوآ وانتوا متجوزين لما روحتوا البحر،واتمشيتوا على الشط افتكر~ لما اتأخرتوا برة اول مرة وقالت لك .. " يالاّ بقى لحسن بابا يزعق احنا اتأخرنا يالهوى " ضحكت ورديت عليها " انتى مراتى ياهبله " افتكر ~ اول رمضان يعدى عليكوا والاكل اللى اتحرق العيديّة اللى صممت تخليك تكتب عليها كلام ماحدش يشوفه غيرها وبس ^^ وقفلت عليه فـ دُرج المكتب عشآن ولادكوا يتفرجوا عليها لما يشرفوا ، افتكر ~ لما رجعت لاقيت هدوم بيبى وفساتين لونها بمبى و " لكلوك " و كوتش بينور ، وقولتلها " ده بجد ؟ " ماردتش عليك بس دموعها قالتلك اه بجد هتبقى بابا مشاوير الدكتور كل شوية اللى عُمرك ما زهقت منها ، الخناقة اللى عملتوها لـ مدة 5 شهور على اسامى البنات ، افتكر ~ " واء واء " اللى سمعتها فـ المستشفى وخروج الممرضة عشآن تقولك .. مبروك البيبى زى العسل ربنا يباركلكوا فيه اول ما شوفته و هو قد كده خفت تيجى جنبه لحسن يتكسر ! صوت عياطه اللى ماكنش بيخليك تنام وكنت هتترفد من الشغل بسببه :@ افـــتــكـر ~ كُل حاجة حصلت ليكوا سوآ من اول كلمة بحبك ، لحد صوت طفل صغير اتكتب اسمك واسمها على شهادة ميلاده ، مروراً بـ الغيرة و الخناق و النجاح والتعب و و و ... ماتنساش ~ اصل الحُب ايه غير شويّة تفاصيل فوق بعض 
|
|
#2
05-22-2015, 09:25 AM
|
||||
|
||||
|
اخي ادهم دائما في اطروحاتك روونق خااص مشكور على جهودك يعطيك العافيه العاشق حمام من القلب 22/5/2015
__________________
 
|
|
#3
05-22-2015, 03:41 PM
|
||||
|
||||
|
مشكوووووور والله يعطيك الف عافيه
|
|
#4
05-23-2015, 07:03 AM
|
||||
|
||||
|
اسمح لي ابدي اعجابي بقلمك وتميزك واسلوبك الراقي وتالقك
__________________
|
 |
«
الموضوع السابق
|
الموضوع التالي
»
العرض العادي
|
|
الساعة الآن 06:28 AM.