خذيت رقمك من اصحابك... ودقيته

خذيت رقمك من اصحابك.. ودقيته
لكن ما حصّلت ردّ يفرّح الحالم



ظلمتني بالجفا اللي ما تمنّيته
عواقب الظلم لا تلحقـْك يا ظالم


سقيت قلبي حسن ظنّي.. وواسيته
والله بما تحوي نفوس البشر عالم


صدّقني ان لو ادلّ البيت مرّيته
لكنّ جعلك من صروف الدهر سالم


حبّيت ابلّغك شكري ع اللي سويته
لا يشكر الله.. من لا يشكر العالم






أكلمْك.. لانّي كنت أبسافر البحرين
وقلت أتصل.. يمكن تبي خدمه او حاجه؟


فاذا رقمي ازعج هاتفك قول لي هالحين
وانا آسف على ازعاجك.. وانا آسف على ازعاجه


وانا بي طبع.. لو كان قلبي مع المقفين
رقبتي على المقفين ماهيب منعاجه


ومهما حصل.. بتظلّ غالي ومن غالين
ومن يجحد اهل الطيب يا شين منهاجه


ما واجهت منْك الا الوفا والكلام الزين
وكلٍّ بيذكر عند الاجواد ما واجه..!!






فتحت منيو شابكين (البلوتوث)
ودوّرت عنّك بينهم.. ما لقيتك!


ياللي غرامك في فضا الروح مبثوث
دونًا عن امّات الجمال.. احتويتك

والحبّ مع جينات الانسان موروث
يعني مهو بيدي لمنّي هويتك


لو حالتي تعرض على وكالة الغوث
أعطتني الحقّ بلجوئي لبيتك


شغّل بلوتوثك مع اهل البلوتوث
وافتح رسايل دعوتي لا دعيتك






لا ترسل أعذارك.. ولا تتصل فيني!
فلا اقعدت عندي اعذارك.. ولا قامت


لانّي عقب ما حصل ما بينك وبيني
حطّيت قلبي وجوالي على الصامت!

الموضوع الأصلي : <font color="#FF0000" size="2" face="tahoma">خذيت رقمك من اصحابك... ودقيته<font color="#FF0000" size="2"> -||- المصدر : منتدى -||- الكاتب : <font color="#FF0000" size="2" face="tahoma">نوفي

مشكور ويعطيك ألف عافية كلمات مميزة

تقبل مروري

موت المشاعر * فدائووو *