عنقود امل...!!!

اااااه
يا حته القلب ال مات
فينك وفين قلبى الصبى
قلبى ال تايه من زمان
ف ربوع شبابك
يا حته القلب ال اندفن
عايش انا جوا المحن
ساكن كفن
موجوع انا جوا السكات
سكاتى ساكن ف الوريد
ووريدى عطشان يلمسك
يلمس حنينك
يلمس جبينك
يلمس عيونك والكلام
وريدى عطشان يهمسك
يهمس حببتى ويرسمك
جوا عناقيد الغرام
عنقود امل..
ااااه
يا حته القلب الوحيد
عايش وحيد
ساكن بعيد
عن كل تراتيل الغرام
ال بتنطقها حببتى شفايفك
بس شايفك
جوا منى
ساكنه فيا
مطمنه بحضور حروفى
مصلوبه جوا جدور وريدى
منقوشه فوق ضلعى وجبينى
ااااه
يا حته القلب الحزين
اعرف منين
ميت انا جوا الحنين
ف غياب حببتى من يومين
مهزوم انا وقت الغياب
عايش وحيد جوا ثرثره السكات
وقت الممات
ملعون يا هجر ويا عناد
ملعون انا
وقت المجاعه ال بتلفظها حروفى
ف البعاد
ملعون انا جوا الممات
ملعون كلام العشق
بعيد عن ست البنات
اشتاقك مولاتى
احتراماتى
عمده

عنقوود امل
عايش عليه
يمكن راح ارجع للحياه
واعيش معاكى باقى عمرى ونتهاه
عنقود امل ...